關於愛情……

本末倒置 那篇文中, 曾提到黃耀明訪問林夕時的對話, 現索性將整個節目的內容和大家分享!
文字版源自網友e 的林夕網頁. 特此鳴謝! 😮
* underline 是我highlight的精彩句子.

節目: 黃耀明”才羅”命偶像 – 愛情
嘉賓: 林夕
商台電台 2003年6月10日

網友e 的註解: “這個訪問有林夕好玩的一面,純文字的記錄未必可以寫盡他的反應妙處。”

明: 情歌聖手,一個偶像,都係我的偶像-林夕.
夕: 好,搏到囉,做偶像、情歌小王子…
明: 俾我印象好深的一首歌,林夕寫的「似是故人來」。
   我經常記得的兩句歌詞「但凡未得到 但凡是過去 總是最登對」,
   好多情歌之中也經常出現這種感覺。
夕: 得不到的就是最好,這個已經可以化做很多首情歌。
明: …這首歌是電影<雙鐲>的主題曲,不過我沒睇過。
夕: 我都沒有。
明: 那種感覺hit得很中,很傷感…情歌很多都很傷感的?
夕: 因為o係熱戀當中,唔需要情歌。通常都係失戀才會聽情歌,所以情歌都傷感。
   唔會有人拍緊拖,一齊播首情歌聽…但你有冇試過唱情歌俾人聽?
明: 有,有試過。
夕: 唔怪得你係歌手…我有試過寫歌俾人,當時未入行,想追一個人,
   但一交歌詞俾佢就嚇走左。

明: 愛情對於你是什麼?
夕: o係未畢業之前,覺得愛情很俗套的…後來到非常愛一個人的時候,
   終於覺得愛情係好”才羅”命的…
   成日望住call機,等call…好冇安全感,覺得很”才羅”命…
   到現在愛情對我來說,已經變成食飯的腳,睇戲的腳。有就好,冇都唔緊要。
明: …悲涼的情歌
夕: 係唔係很悲涼呢?又唔係,沒拖拍都可以有很多興趣,那些興趣同愛情差不多的。
明: …愛情對我來說…愛情中的靈和慾,以前會先選靈,
   現在兩樣都想要…其中一樣太多都不好…
夕: 這個已經係情歌的定律,太多的愛情就不行。
明: 愛和性兩樣一起可以有很多可能,很難去揀……我以前覺得係要一生一世…
夕: 在我的成長階段中,也覺得愛情係一生一世的…
   但當火花燒過之後,覺得朋友與愛情很難分開。
明: 我會追求靈慾一致,但覺得不會長久。如果一定要二選一,我會先選慾。
   靈可以找到很多代替品。
夕: 你未講愛情對你的影響?
明: 有快樂、有不快樂的愛,才會變成現在的我。
   我是一個幾快樂的人,我有很快樂的靈慾關係。
   我很慶幸我是一個快樂的人。

明: 愛情被過譽了是不是?
夕: 那是流行文化,所有故事都有愛情線,連<大宅門>也有愛情線。
明: 令人想到”人有我有”,人要快樂但不一定要愛情的….
   但有冇人的人生不用有火花的愛情,只有朋友的愛?
夕: 我…我係覺得係可以的,應該得的。可以冇愛情而有其他的愛…
   我也寫過<母親II>俾你,是母親的愛。
明: …我可以的。我也有很多生活的partner,也有很多朋友…
夕: 我有點後悔我講的,我都係要有一點點。
明: 如果靈和慾,你會揀哪一樣?
夕: 慾,因為慾有時間性的,但靈可以很長久。
明: 但你十五分鐘前不是咁講的?
夕: 唔係點寫咁多情歌,做情歌小王子。

明: 有冇遇過一種人,只係說愛情,而沒有身體力行去愛…係淨用腦去分析多過做的?
夕: 有,我認識…這種人會不斷分析自己的愛情,分析不同的階段…
明: 我相信靈和慾是不用想的,不是用腦的。
夕: 我以前也講過,用太多時間寫愛情,沒有時間去談戀愛。
明: 你拋書包引張愛玲的說話,我也拋下書包…
   紅坊(陳凱歌的前妻)說過,以前有一過段戀愛,我諗係指她跟陳的一段情,
   她說因為太多人愛佢,發生了很多嫉妒。
夕: 佔有也是愛情的一部分….愛得太多會走出很多陰暗面,當中有嫉妒。
明: 但有人也可以俾到很多空間大家….愛情都係”才羅”命的….
夕: ….

明: 如果你知道一段愛情結果要怨的,你會不會要?
夕: 要,經過刻骨銘心之後,人會成長。
   我問你,如果有一段好勁的愛情要等五年,你等不等,定係拍住其他先?
明: 我會騎牛搵馬,拍住先….兩年就等,五年就諗過先。你呢?
夕: 五年唔等,等唔切….如果要等,等一年九個月,係都要少過你。
明: 你揀愛人還是被愛?
夕: 我會去愛人,去愛人的人會特別靚,也是一種享受,被愛太被動…
   被自己不愛的人愛,會做出很多不好的事,例如去避人…

夕: 在愛情面前,你會不會犧牲歌唱事業而揀愛情?
明: 我會。咁你會唔會犧牲歌詞?
夕: 我…o個個人會唔會飛我先(有包單架,仲冇得翻轉頭),仲要冇包單,太難答…
   但如果我唔犧牲,又會冇人鍾意我。好,我願意犧牲歌詞。問你怕未?

明: o係你寫過的情歌中,最”才羅”你命你係邊首?
夕: 唔同階段有唔同的歌”才羅”我命。
   今日的我,我諗係楊千嬅的<笑中有淚>,可以愛完,
   回頭望時候係無愛無恨的,化之中有傷感。
   一些曾經燒得咁犀利的野,可以連灰都沒有。
明: 我覺得”才羅”我命的情歌,都係楊千嬅的,係<再見二丁目>  
   我覺得首歌講了一樣好多人都學不到的功課,
   對著咁大的天地,竟然學不到自己愛自己。

Comments

comments

15 thoughts on “關於愛情……

  1. tissue, 2003年6月的訪問而已, 不太久耶~
    這兩年, 他雖受病痛困擾, 但人卻好像反倒更開朗了, 在人前, 表現竟可帶點鬼馬, 真想不到~

Leave a Reply to tissue Cancel reply

Your email address will not be published. Required fields are marked *