硬轉載:blogger本色

由於准拎唔准 Link,所以這篇文是全文轉載!多謝晒!:evil:

(順手試埋廣東話字喺UTF-8 環境下嘅展視效果!咦?真係好掂噃!好嘢!):idea:

《blogger本色》By goethe

「想當年我哋出嚟行,邊有咁多花臣架。我哋真係攪吓字花,攪吓其他嘢,就可以疏疏乎,跳跳舞,咁又可以一日喇﹗而家﹖又 k仔又唔知咩,真係睇到我眼都花呀。唉,世界唔應該係咁架嘛….」

******

嗱嗱嗱,如果你將上面句對白,搵呀 通寶扮演,就可以變為下面咁樣;段對白,仲可以好神似添 (有請 通寶哥)﹕

「想當年我哋開始寫 blog,邊有咁多花臣架。我哋真係寫吓遊歷經驗,攪吓側邊個連結,再唔係整多個 site-meter,咁又可以一日喇﹗而家﹖咩blog pet呀,咩 trackback呀,真係睇到眼都花呀。唉,世界唔應該係咁架麻….」

*******

想講嘅係,我真係覺得,態度係緊要;不過,大家與 blog o既第一次接觸,會影響到大家對 blog 嘅態度,亦都會影響到大家寫 blog與否。

即係,而家有人寫 blog,可能除o左有野想講之外,仲可能因為覺得 blog 嘅周邊產品好玩,所以先會投入去玩衣 d 嘢。

況且,我始終覺得,如果一開始接觸 blog 嗰時就已經有咁多周邊嘢,大家可能冇咁「安於現狀」,會比較易接受衣 d周邊產物;咁,大家對 blog 嘅態度都會唔同。

********

當然,上面講嘅,係好 general咁講;同埋,同其他 社會學一樣 (well,之前喺度講過喇,真係有門社會學係研究 科技 對社會/團體/唔同階層嘅影響),上面嘅嘢都係吹水嘅 jak—-所以,我咁強調「我覺得」衣三隻字囉。

(拿拿拿,好多社會學家/文化研究人,就會扮到好科學好有權威咁講衣d 嘢架;我,雖然「相信」上面講嘅嘢係大致上有道理,不過唔會覺得佢哋一定係「正確」囉)。

 
 
Trackback:‧無‧由‧亂‧記‧:點解我會 Blog

Comments

comments

8 thoughts on “硬轉載:blogger本色

  1. 「想當年我地開始寫個人網頁(台灣d可以叫烘焙雞),邊有咁多花臣架。我地真係寫下牙痛文字,放大雞毛蒜皮,攪下背景圖,再唔係整多個counter,咁又可以一日喇﹗而家﹖咩blog pet呀,咩traceback呀,真係睇到眼都花呀。唉,世界唔應該係咁架麻….」

    :cool::cool:

  2. 「想當年我地開始上網,邊有咁多花臣架。我地真係玩下 bbs, 玩下 bbs, 或者玩下 bbs,再唔係玩下 bbs,咁又可以一日喇﹗而家﹖咩 im 呀,咩 blog 呀,真係睇到眼都花呀。唉,世界唔應該係咁架麻….」

  3. 「想當年我地開始上網,邊有咁多花臣架。我地真係check下email, 玩下 mirc, 或者chatroom,再唔係睇下geocities,咁又可以一日喇﹗而家﹖咩 skype 呀,咩flickr呀,真係睇到眼都花呀。唉,世界唔應該係咁架麻….」

  4. 「想當年我地開始用電腦,邊有咁多花臣架。我地真係開下Netscape, 打下機, 或者用 word,再唔係睇下聽下歌,咁又可以一日喇﹗而家﹖咩 xanga 呀,咩 msn 呀,真係睇到眼都花呀。唉,世界唔應該係咁架麻….」

  5. 想當年我地開始上網,邊有咁多花臣架。我地真係用下386,玩下solitaire﹐再唔係睇下webnews呀,咁又可以一日喇﹗而家﹖咩365key呀,咩豆瓣呀,咩MeroMero呀﹐真係睇到眼都花呀。唉,世界唔應該係咁架麻…

  6. 想當年我地開始參政 , 邊有咁多花臣架 . 我地求其印下傳單 , 掛張banner , 再唔係搞下旅行團同蛇宴呀 , 咁又可以連任喇 ﹗而家 ﹖咩飲香港水呀 , 咩推銷員呀 , 咩等大家唔好咁痛苦呀 ﹐真係睇到眼火爆呀 . 唉 , 香港唔應該係咁架麻…

  7. …… @_@

    以前,真係無咁多花臣。記得果時連搵地方放圖都難,放到一陣又俾人砍;email 容量就只得幾M,send 多少少野都死。但係果時就反而有科網股熱……

  8. 當年D ISP,邊有咁方便架。我哋次次都要Dial-up,係咁Retry 99次,終於Retry到Hang機,用一陣,話咁快又斷線喇﹗而家﹖又Cable又GE又唔知咩,真係方便到暈呀呀。唉,世界唔應該係咁架嘛…

Leave a Reply to sleepmore kilik Cancel reply

Your email address will not be published. Required fields are marked *