我係一條魚。
我係一條老虎魚。
我係一條可憐o既老虎魚。
我係一條禍不單行o既老虎魚。
尋日下晝，當我o係西貢東龍島附近游來游去搵o野食時，一個唔覺意，我俾人釣（是釣，不是“X”）！
釣我o既，係一名婦人。
佢釣我還釣我，點知佢拎起我時，就一手襟落我d 背鰭度，搞到流血，
然後佢d 釣友（o拿！呢個term係報紙用，我照跟o架o下，我呢d 小老虎魚只識咬蟲，唔識咬文嚼字）話我有劇毒，會死人喎！
於是個女人就報警同送院，仲送埋我去添。
後來？個女人敷完藥就出院啦！
我？
我俾人擺o左上檯囉！
喂！
我無啦啦俾人釣已經好淒涼o架啦！
而家仲要俾人擺上檯，俾d 記者係咁影，俾d 閃光燈係咁倀，
仲擺個火機o係我身邊添，一陣著火點算呀？
喂！我係一條魚o黎o架！你o地有冇sense o架？
我離水會死o架！
而家做老虎魚係咪犯法o既先？
我俾人釣，已經係隨時冇命啦！又唔係我主動去拮你添喎，而家邊個係受害者先？
你o地班記者，睇住我作為一條魚，冇水浸住，就咁瞓o向檯面俾你o地影相，睇住我索晒氣就o黎死個樣，我想問，
喂！
你o地唔覺得有問題o既咩？
我可唔可以告你d 香港人瘧待？
我係一條垂死o既小老虎魚。
禍不單行，比死更難受。
延伸閱讀：
蘋果日報10月3日港聞版：老虎魚刺傷女釣客送院
老虎魚呀老虎魚，
你已經好好彩喇係一條老虎魚，
試下你係一條老虎班！！
比人擺上檯就止喇，擺埋入口都似，
唏！真係……戥你好彩，o雪o雪
好彩你有毒無人敢食你！！
寫的好，回的妙:)
唔唔 …… 妳呢篇文章真係嚇親我，事關我今個星期日 (10月1號) 去左釣魚，都係o係西貢 ……
如果釣到條老虎魚既係我，真係擔心上頭條o個個會係我 ……
喂，老虎魚，你上水個時有無話人知你叫”老虎魚”唔係叫”老虎”丫? 搞乜d人當到你係動物園d老虎咁，離水任影都得既?
但係老虎斑唔使好似我老虎魚咁, 死前慘遭瘧待啊~
我覺得, 就好似強暴前俾人影裸照, 強暴後再殺魚滅口~
死得好慘啊~~~
擦膠,
頂多都係港聞其中一版, 唔會上頭條咁嚴重啦, 你放心~ 🙂
Shizugi,
係呀~ 我覺得d 人通通要捉去由幼稚園開始讀起, 學識乜o野叫魚魚~