討論很難

「同你拗o野真係好辛苦,你永遠都唔follow人o地個argument!」
在電影《十二夜》內,陳奕迅跟張柏芝這樣說。

twelve nights

twelve nights

我對這句對白,印象異常深刻。
你,跟別人“討論”時,會否follow對方的argument?

當初看這電影,聽到這句對白時,即時反應就是:
「拗o野喎!梗係唔follow你個argument啦,如果follow o左,咁仲使拗o既?傻!」

但,另一方面,又會想,如果不follow,又好像沒有甚麼討論價值,因為,當雙方都不能base on一些觀點而產生共識時,就好像“說甚麼也沒有意思”。

剛在Miss Lee in Summer寫的“邊緣”,看到這一句:

早不相信真理愈辯愈明,通常都是自說自話各走各路。

 
如果不想各走各路呢?也難。
早陣子,在某blog的討論,總覺得就是因為自己follow了對方的argument,才又碰了釘子。
很是感慨。

小奧回應Miss Lee說:

我也不好辯,如果動了精神便沒完沒了,特別是自己的Blog。而討論區的更避之則吉。人大了,很多人辯論只是為了鞏固自己的想法,最後成為意氣之爭,好累。

 
哥德曾經在tp那邊留言說:

即係,pk成日都話,討論係需要大家有一定既知識,明白某些問題既背景。
咁,我會話,係blog討論入面,最重要既,反而係了解大家既背景/思路 –blog其實唔係一個「正常」/「理想」既討論工具。要係blog度做到meaning communication/discussion,其實需要好多其他條件。

 
在我的觀察中,blogger與blogger之間已少有“討論”了。
很多人,經過了某些風波後,都放棄了去“討論”,寧願在自己的blog抒抒己見就算了。
都唯有如此罷。

又,我甚至也不介意承認,我很“膠”。(想起那經典的一句:“長年累月積下來的執著”)
我實在常常在想這些問題,以至要記下,以給自己,日後回顧。
希望我有進步。

延伸閱讀:
MK 的記事簿:只宜說明,切忌說理
P.S.: 我們的留言

Comments

comments

33 thoughts on “討論很難

  1. 小學三四年班時中文老師教識左我一樣野:
    每一句說話其實都係廢話

    係酒樓撞到會問:飲茶呀?
    係廁所撞到會問:咦?屙尿呀?
    意見不合就拗餐屎;人地做錯就鬧餐屎,

    人愈大就愈懶拗野,
    道不同……您有您見解我有我一套,
    既然好難可以改變大家既立場、睇法,
    倒不如留返啖氣暖肚…:P

    真係要拗,都會改變形式以「震壓」(係咪呢個震?…:P)既方法泥「拗」
    個勢係我到,我有我講無人地講,
    講完成個平衡哂……:P
    您有野要講?有野要發表?
    好!等我冷平衡左,再慢慢對住空氣講……Cccccc~~~

  2. Stannum on 4/1/2007 at 9:58 am said:

    「follow 人地個 argument」中 follow 的意思應該比較接近明白﹐而不是跟隨。見以下連結的解釋14。所以就算 follow 左,都仲可以唔同意﹐可以拗一餐。
    http://dictionary.reference.com/browse/follow

    原來係咁~ 多謝教導, 又學多樣o野~ ^o^
    btw, 都好彩, 都唔算解錯晒, 起碼我會咁寫: “因為,當雙方都不能base on一些觀點而產生共識時,就好像“說甚麼也沒有意思”。”
    :p

  3. 我試過看到一個感興趣的Blog,不時留言幾句,結果Blog從不回話更在另篇文章指示有些人三唔識七拋下留言。:roll:

    我即刻刪除佢個feed,以後唔敢再上去打擾人家。:cry:

    唔好講討論,簡單留言都可以惹起千重浪:twisted:

  4. 同意。我通常都唔會拗, 只是回一句「你都有你既道理」就算, 邊得閒同人爭論咁多。

    另外, 真係好野, 你個cap圖仲好野, 下次同女友鬧交可以send俾佢, haha。

  5. kursk ,
    大部份情況, 我都係agree o左人, 再講附加意見.
    就算係上次都係咁, 但不經不覺間, 好似又陷入了迷陣, 不得要領似的, 所以我會記得, 並在檢討為何又出事…
    十二夜, 是一齣常掛在我心頭的電影; 這句對白, 我自寫blog以來, 亦提過不下一次.
    終於的起心肝, cap 出o黎留念~ 🙂

  6. 根據兒時記憶,那時候爭論主要是為了勝過對手,不是尋求真理。在這種情況下,真理很難愈辯愈明。

    長大後,在網上看別人的討論,目的多是以攻擊對手為主,回應問題為副。在這種情況下,真理也很難愈辯愈明。

    我相信真理可以愈辯愈明;但先決條件是,參與討論者均以尋求真理為目的。否則再多的所謂討論,也是多「膠」餘(或無謂地增加「長年累月積下來的執著」)。

    不過,有膠總好過無膠。滑晒頭,無晒原則,又唔係咁好o既:idea:。

  7. 駒,
    “兒時記憶”? 你這句真有趣~ 🙂
    是的, 有時, 在一場討論內, 除“尋求真理”外, 還有很多其他的issue 在內. 而討論的points, 又會橫生很多支節, 要各方面都願意去”follow”, 實在很難.
    又, 其實, 在討論之中, 亦不一定要有結果。
    在”過程”中, 或事後回顧, 都可能有o野學到.
    不過, 眼中的現象是, “討論”真的少了.

  8. 十二夜o既結局係一種感受, 我相信人人睇法都唔會同.
    我個人覺得.. 有點兒愛得太遲的味道.
    另外亦有對愛情沒信心, 甚至係不知道自己想愛想要甚麼的感覺.
    Anyway, 當年肥d o既柏芝靚好過瘦骨仙o既佢~ (雖然我一路對佢都無乜好感.. LOL)

  9. 😡 相信不是真理的問題,想爭勝利才是真的,
    follow 會出事 你會follow ?

    愛一個人 才可以做到百般的忍耐;
    但要更愛自己,才能夠做到不為所動。

  10. TomFoolc on 5/1/2007 at 12:05 pm said:
    十二夜o既結局係一種感受, 我相信人人睇法都唔會同.

    同意啊~ 雖然我第一次睇時, 覺得個結局好無厘頭…

    我個人覺得.. 有點兒愛得太遲的味道.

    又愛得太遲? 我對這四個字太膩… :p

    另外亦有對愛情沒信心, 甚至係不知道自己想愛想要甚麼的感覺.

    又或是, 想說, 現代男女的愛情觀原來是這樣的不堪一擊?

    Anyway, 當年肥d o既柏芝靚好過瘦骨仙o既佢~ (雖然我一路對佢都無乜好感.. LOL)

    我覺得張柏芝最靚就係o合個個時候~
    略帶嬰兒肥, 但是, 是盛放的花~

  11. simon lai on 5/1/2007 at 4:53 pm said:
    😡 相信不是真理的問題,想爭勝利才是真的,
    follow 會出事 你會follow ?

    會, 因為之前冇諗過會出事嘛~
    尤其, 當你跟欣賞的blogger 討論時, 心態根本沒想過要對著幹, 留言只為補充及切磋的時候.

    愛一個人 才可以做到百般的忍耐;
    但要更愛自己,才能夠做到不為所動。

    忍耐, 不等於姑息.
    很多時, 就是因為愛, 才肯直言.

  12. 嘩,咩咁多[討論]嫁。

    我都好記得歌得與通寶那篇文。而家,我常常收口,自保,犬儒都係咁話,無謂做爛頭卒。唔通真係人大咗,唏噓左﹖無左[理想]﹖識諗左﹖總之,呀媽好滿意我而家小事化無的[精神]。

    呵,好在覆在小奧,嘻嘻…

  13. 你quote舍條友識唔識英文架﹖應該係meaningful communication喎。

    又,其實個句講得唔太清楚。

    再清楚小小既係,我地好多時係「討論」入面會有好多假設會有好多以為大家都同意/明白既野。

    咁如果「唔了解大家既背景/思路」,好多時就會睇錯/唔明對方既論點—-特別由於blog本身既性質所限(我覺得係喇),所以好多blog入面既「討論」都唔會長篇大論,blog文章亦都唔會有個較嚴謹既結構(衣樣係相對於討論區或者其他「正式」討論而言);好多blog有時甚至有反諷曲筆,更多時係唔會有任何註釋引文出處。咁,往往會造成「溝通不可能」囉。

    所以,「了解背景」,其實係「補充」上面blog本身既限制囉,增加meaningful communication既可能性囉。

  14. MissLee on 5/1/2007 at 10:32 pm said:

    嘩,咩咁多[討論]嫁。

    我都好記得歌得與通寶那篇文。而家,我常常收口,自保,犬儒都係咁話,無謂做爛頭卒。唔通真係人大咗,唏噓左﹖無左[理想]﹖識諗左﹖總之,呀媽好滿意我而家小事化無的[精神]。

    呵,好在覆在小奧,嘻嘻…

    又唔係真係好多o者, 有d 係講十二夜~ 🙂
    mirroro個邊都有好些留言, 有興趣可以去望望~
    o岩o岩一年, 諗起上年宋先生o既”頒獎”…
    一年過後, 我們變了多少~ 🙂

  15. goethe,
    尋日覆mirror o個邊時, 曾留過呢d 話:

    之所以, 亦有很多人, 因此, 而不再在討論區泡, 而改為寫blog, 但在blog 界的良性討論也少了~ 這是截然不同的兩種現象. 在討論區, 大家像在一個更公眾的場所, 又有更多匿名的留言, 於是, 大家罵得更狠(不一定是沒準的). 在blog呢, 有時, 又會礙於身份, 令討論的重點失真喎. 嘩! 突然諗起, 真係應該叫哥德講講呢個~ :p

  16. sidekick on 5/1/2007 at 1:47 am said:

    希洛 on 5/1/2007 at 1:36 am said:

    十二夜 係其中一套我睇左好多次既movie, 不過始終都唔係好明個ending點解會係咁, 嘿嘿.

    我覺得我明o架, 不過唔話你知! :p
    以前寫過呢篇: 誰愛誰? 誰懂誰?
    很喜歡那一幕, 道盡了男主角那種奇妙的心態.
    唔… 結局則是道盡了女主角那種奇妙的心態了… :p

    (原來, 你已看過那篇, 又留了差不多的言)

    係喎, 你唔講我都唔記得啦. 其實呢套同另外有套(戀愛起義)我重覆睇左好多次. 此終都唔係好明點解女方最後會咁, 我諗我會睇多最後一次. 畢竟人大左家下可能又會明. 😕

  17. 我都傾向在自己的 blog 說說感想多於與別人在網上討論,只因我感到在亙聯網這個看不到對方的世界中,很多人都不懂得專重別人,遇有不合自己觀點的便肆意攻擊。在自己的 blog 發表感受,遇有過火的討論,至少我可以控制,將不適當的言論刪去,而且 blog 是個人平台,如果別人不認同我的觀點,大概也不會手痕回應,公眾討論區卻不同。

  18. winter,
    即是說, 你寧願保“主場之利”, 而不太會去別人的blog 跟人討論啦! :p
    我自己就越來越…
    btw, 當然亦有藉口掩飾, 例如“淨係睇住自己兩個場已經好忙”… :p

  19. 你好呢~~看到你在我網誌的留言就過來拜訪~~

    嘩~~你個網好靚,不過我可能自己部電腦有問題~~開你個網誌超慢,嘻

    講開鬧人唔follow個argument~~好似通常都係我話人地~~

  20. sidekick:
    其實還有另一點很重要的,當自己對一件事有甚麼觀點時,如果把感受留在自己的 blog,他日要再次閱讀會比較集中,也不失為日記的功能。當然我不抗拒良性的討論,只是我想香港人(包括我在內)實在太忙,要上班的日子,其實都沒太多時間看別人的 blog,只好留待星期六、日才能多看多討論。

  21. 路過的~
    自己之前跟同屋有過不愉快的爭坳,真的感同身受
    當大家都都已經有一個固定的看法時,其實討論亦不會得出任何結果….

  22. 唔…留學英國中…
    現在好了點…要學會在某些時候忍讓啦
    意見不合便算了,無謂強迫對方接受

    不發一言的時候當然會有,不過也不算窒息,其實講話太多也會引起爭坳呢

Leave a Reply

Your email address will not be published. Required fields are marked *