從“老媽子之歌”看香港網絡生態

10月23日,“老媽子之歌”開始在Youtube及我的blog 出現。
乘著Facebook熱潮在香港興起,我厚著臉皮的,將這首歌放在我二百多位有用FunWall Application的朋友頁上。反應好像不錯,很多朋友都將它forward給其他朋友,只消幾天,這首歌的瀏覽量就升至四五千。(那時,製作這條片的Arthurson跟我說,如果達五千就好滿足!)
然後,看著瀏覽數字不斷的飆升,到今日,已達到了九萬多~
youtube_momsong並且,考到了5個第一,包括:
1 – Most Viewed (This Month) – Hong Kong
1 – Most Viewed (This Month) – Music – Hong Kong
1 – Top Rated (This Month) – Music – Hong Kong
1 – Top Favorites (This Month) – Hong Kong
1 – Top Favorites (This Month) – Music – Hong Kong
(有圖為證)

我猜,除了是Facebook的功勞之外,討論區的力量在香港依然是皇道,在GoogleYahoo! 的搜尋結果內發現,這首歌廣受各大討論區歡迎!
畢竟,在Facebook 的Funwall,這個視頻只要在各人的首頁消失後,就應不會有持續的後勁;而討論區則只要有人reply,就會繼續有人看得到!
至於blog 呢?
Blog 依然是SEO friendly,各個相關的 blog post 在搜尋器依然名列前矛,但招來的瀏覽量應該不比討論區。(我猜想)
當然,YouTube 自己的推介榜應該也好有用吧?不知上了榜之後會否令瀏覽量激增呢?

為谷瀏覽量,再放一次!:p

謝謝Authurson給我機會在YouTube威番次!
將榮耀獻給我的媽媽! 😛

Comments

comments

22 thoughts on “從“老媽子之歌”看香港網絡生態

  1. 呵呵, 呀小姐只要吹一吹雞, 半日又多左幾千個收視, 家陣去到六位數lu, 勁呀~~

    不過呢, 我地呢d井蛙, 其實未見過大蛇屙屎, 因為人家正版貨係幾個月內已經超過左八千幾萬收視, 走勢勁過大陸股, 過左陣分分鐘去到九位數. 咁鬼誇, 難怪呢位呀媽Anita Renfroe突然重紅過李司棋.

  2. 死唔斷氣, 講多兩句先…

    所以下次如果想玩收視, 我地就應該面向大中華, 放棄香港市場, 唔用廣州話, 用返內地潮語, 重要用簡體字, 之後放係大陸老翻youtube網, 咁可能會把把聲咁再多兩個零係尾, 嘻嘻.

    而點解今次個片會咁快爆出黎呢, 我覺得肯定同小姐你係facebook炸版有關, 因為呢條片既hyperlink, 所有大數都係由fb飛過黎. 呢招真係好勁, 因為當你send比一個人睇, 佢所有fds都可以係feed度睇到你做過乜, 當佢見到幾個fds都收到, 咁佢好自然就會click黎睇, 個數好自然會大.

    依家香港約有35萬個fb用家 (我估, 因為大家都八掛, 想睇人家野, 而join hk就係最有效既方法), 你send比兩百人, 咁快就可以去到10萬個click, 就可以好容易計到, fb既回報有幾高.

    咁有用fb同無用fb既個收視又會差幾多呢?至少有6至7倍, 你可以睇到, 我之前整既舊版係無放到fb度. 依家都係得萬頭, 而呢兩個片, 未睇過既係唔會知道分別, 所以如果係經youtube睇, 通常都會兩個一齊睇, 半年前整過既杏加橙就係咁樣, 可以拎黎做參考.

    如果你睇再返條片既留言, 大部份都唔係香港人留, 而係係youtube既walkin友留, 就可以proof到上面既野, 因為無乜邊個會係fb睇完之後重會咁得閒去留言, 覺得好野不如send比朋友重好啦.

    所以你話forum/blog係後繼, 我就好保留, 因為呢d都要自己去到四周找, 唔似fb咁放係你門口, 即click即睇咁方便.

    而香港榜呢個野, 更加得淡笑, 因為係我手多改我住香港, 個榜先會飛出黎, 當我話自己住日本, 佢就會唔見左, 所以呢樣野真係睇過就算.

    又話講兩句, 最後打左幾多句, 呵呵, 去訓啦, 係咁.

  3. 嘩,好快手。
    家陣已經唔係香港人睇,全部係鬼佬黎,所以鬼佬同我地一樣,隻耳仔麻麻地,睇乜聽乜都要字幕,真係慘。

  4. arthurson,

    今次呢十萬用o左九日~

    如果一個view 等於一蚊就有一百萬,
    如果十個view 等於一蚊就有十萬,
    如果一百個view 等於一蚊就有一萬,
    如果一千個view 等於一蚊就有一千,
    如果一萬view 等於一蚊就有一百…

    所以我o地都冇/未發達~~~ :p

Leave a Reply to sidekick Cancel reply

Your email address will not be published. Required fields are marked *