第一次看大坑舞火龍

從來都沒有去過大坑看舞火龍。
也從來都不知道原來每年中秋的大坑舞火龍是一連三晚都有的。
今年才知道,所以終於在這個追月夜去了看! 😆

感激 ShetaGoogle Map 做的“舞火龍路線圖”,提供了看舞火龍的最佳位置,不然,帶著家人前往的我,好可能只懂去最多人的路旁,然後站在人群後面看他們的背脊! :p

待發... 出發!
我們到達“最佳位置”時已過了八時,不需等多久,火龍就正式開動了!

我用相機拍了舞火龍的影片呢!


首次看舞火龍的我們都覺得好興奮呢,不斷的嘩嘩叫,好傻! 😆

火龍尾看完真正的“龍尾”後,我們跟著人群走到街的另一邊再迎接火龍出現,並在這邊跟 Sammy 相遇了,然後,我們就一起目擊了現場發生的意外!



雖然今天是舞火龍的最後一天,但舞火龍的人們卻異常地精力充沛!又可能因為是最後一天,卻因此而有些失控了……
舞火龍頭的壯丁,刻意將火龍頭舞得左搖右擺,大幅度的靠向圍欄兩旁的人群,幅度大得,起碼半個龍頭都越過圍欄!
面對著突然壓過來、又插了無數香枝的大龍頭,人群都本能地後退,但我們身處的地方,後面卻是一小段梯級,於是在後面的數人被推了落梯級,有少女更被人壓着!
(Sammy 拍了意外經過,但因意外發生後他很快把 iPhone 放回褲中以便查看附近的人安全,所以後半段只剩聲音,沒有畫面,卻足以讓大家知道那刻的情況!)

不幸之中的萬幸是,這段梯級只有數級,跌到的人都沒有大礙。

這就是意外後的現場:
意外現場 傷者及其家人及護理人員

後來,我匆匆的發了數則短訊,將意外的消息發上網,早兩日看過舞火龍的 Sheta 隨即在 plurk 回應說,她當晚聽到有廣播叫“舞火龍的人不要太忘形,還有兩晚玩”,卻估不到今晚會出事。

想不到首次看舞火龍就目擊了小意外,幸好自己、家人及朋友都平安。(我哥我姐當下還來得及拉住身邊的人免他們掉下梯級)
然後,我們都不想/不敢久留,趁時候尚早,就轉去維園賞花燈了。
我,頗有一點餘悸呢。
希望舞火龍的大會,經過這次事件會得到教訓,下年舞火龍時要更照顧觀眾的安全;舞火龍原意是求平安的啊! 😮

延伸欣賞:Sammy 拍的舞火龍照片集

Comments

comments

20 thoughts on “第一次看大坑舞火龍

  1. 我最近兩星期先搬返去大坑! 我細路時, 都係大坑住, 所从可从話重搭童真! 😳 我頭一晚無去䏲! 但在浴室打開窗口望到龍頭! 之後两晚, 也有䏲真係正到脾! 細路果時, 也無䏲到甘過引, 至多也是馬奇係家人膊頭, 係比阿媽抱住睇! 今年追住條龍睇好興奮! 你有冇留意有包頭女仔打鼓, 佢打到好形! 但係真係成個男仔甘, 佢打完後, 一大啖甘成樽水飲哂, 仲吸煙tim! ❗ 仲有原來, 只耍係大坑居民, 可報名參加, 早之都報名參加!!!! 😆 發龍尾好過引!!!

  2. 仲有呀! 開幕儀式時, 鬼佬警司韓sir, 佢D中文好搞笑, 但好可愛, 令到䏲到好開心! 仲見到D主人, 虐待屋企的狗, 將佢扮到條龍甘! 😀

  3. 我覺得最佳位置係房協停車場那邊,居高臨下,可睇到全景。
    我覺得最好係八月十四去睇,d 人會有力d,有規矩d;無力,易失控。
    年年都開咪叫班靚仔唔好亂fing,尤其是龍尾。
    唔可以有大單野發生,唔係可能”驚賊”唔畀再搞。

  4. 中秋晚熱鬧些, 勁多人! 但琴晚條最後一晚, 一定要去攞, 因為一年一度! 追龍最好玩, 但有驚咗D香, 條龍有經我住樓下, 但對街無窗口, 果度D 人仲放D枱枱椅椅係路邊開大食會! 仲有佢地賣D火龍橙籠, 成隻傻豹甘的! 😆

  5. 覺得停車場大光猛,看的時候不夠氣氛!

    十四那晚我在銅鑼灣道和浣紗街街角看,幸好找到欄杆可以坐著,要不然連龍影都見不到。但看過你的片段和照片後,才發現我當晚看到的火龍已經掉了八成香枝,龍不成龍。明年我會早點去弟弟提議的最佳位置看囉! 💡

  6. 我仲䏲住佢起龍, 今年由頭䏲落尾, 仲有好離譜, 日頭果時, 條龍身係放係巷仔, 有D鎻係到鎻住, 但係我覺得危險囉, 萬一比人惡作劇咪死? 鬼佬D英文好搞笑! 生氣孛夂孛夂, 匕匕佢講成生氣BOOT BOOT! 條友仲擦佢鞋, 問D人韓sir D中文講得好唔好野? 叫人扌白手, 我也有扌白! 😆 不過現在好懷念D紙燈籠!

    我都有去維園䏲花橙! 好靚但氣氛差好遠!

  7. Hello Sidekick, 😀

    琴晚大坑又變得好清靜了, 有些唔慣, 今朝早出門時, D 旗仲向度, 明年如果仲係香港, 一定報名去舞, 我聽D街坊阿叔話以前D人舞得好賣命同唔錫身的, 所从比而家精彩! 你D相好靚, 我影D好失敗, 仲有唔知點解, 每次諗住可从take 到 best shot, 實有條筬利伸頭出嚟! 😆

  8. 你好丫..
    你拍得非常好呢…
    我是舞火龍健兒的一份子,主要負責龍尾部分.
    我舞了都有5年了..期盼來年有機會再見大家=]

  9. Gordon,
    咁希望你出年真係會玩埋一份啦! (不過要注意安全啊!) 😉

    Gordon and 菩提子,
    我d 相影成咁你o地都讚, 我好汗顏啊… 😮

    菩提子,
    原來你負責龍尾部分? 唔知我條有冇影到你呢? 我睇龍尾位包頭哥哥時, 見佢彈彈o下, 好有活力咁, 睇到我嘩嘩叫啊! :p
    最後, 都係呢句: 要注意安全啊! 😀

  10. 總算有驚無險…… 😉 其實早幾年火龍都試過舞埋入維園做綵燈會節目一部份, 點知亦係因為舞火龍o既團隊非常有自己o既宗旨, 所以唔係好順利咁啦……

    今年有冇同冠而去睇花燈? 因為今年又係我繼「四大美人」果次之後再i/c 燈展。文化中心鐘樓外面有個【繽紛水世界】, 以濕地同海洋為取材(想有o的環保意識咁啦), 老老實實, 今年真係整得靚架。好多小朋友特別鍾意小丑魚、白海豚同埋條河豚。另外響西九果邊就係以大白兔同走馬燈為主o既懷舊燈組(我響我 blog 度放左相), 兩個 set 都係會 display 到10月12日, 而家中秋過左, 去影相應該冇咁多人, 易霸位o的。:)

  11. Hello Sidesick,

    Fing 龍尾好過引㗎! 搞到D人驚咗你同嘩鬼叫! 😀 如果有機會, 我一定會小心D, 同埋希望明年你會再嚟!

    愛蓮,

    上星期我經文化中心, 但無留意到D 燈飾, 或者因為果日有人行婚禮同映緍紗照, 我發覺D人好鐘意係果度映緍紗照! 等我揾日去睇吓D , 應該幾靚吓!

  12. 我聽西九果邊做管理o的人講, 中秋正日果一兩晚都幾迫, 仲有警車駐場, 所以國慶晚相信都會多人, 不過應該冇老尖咁迫, 因為西九真係太吊腳…

    講開又講, o的”大佬”o既 logic 係好難理解架, 佢地話, 叫我地響果度攪燈展, 係希望帶旺個場; 但其實十個入黎o既九個都話, 根本唔應該揀個咁吊腳o既地方黎攪…… 可惜, 我只可以跟 order 做。上面果班, 唔明就永遠唔明, 因為反正o的 complaint 唔駛佢地答, 唉。

  13. Gordon,

    哈囉。文化中心o的燈飾係響鐘樓水池果邊。我果時都仲做緊 set-up, 已經有新人用o的水母當背景影結婚相, 認真捧場, 哈。今次間 contractor 真係好比心機做, 我自己都幾滿意架。

Leave a Reply to 菩提子 Cancel reply

Your email address will not be published. Required fields are marked *