諗咗好耐用咩標題好。
都係諗唔到，於是諗起老夫子最鍾意用嘅“無題”，然後，再諗起另一個都好常用嘅“耐人尋味”。
好！就用呢個！:evil:
blog-you.com 尋晚出咗篇“澄清與聲明”，講番點解佢哋會刪咗《活在桃花島》响 blog-you 個聯播 feed。
好事。大家有興趣可以去睇睇，睇吓你接唔接受佢哋個解釋。
另外，blog-you admin 話：
有些在別的地方批評Blog-You的人，雖然只是少數，但我同樣喜歡聆聽你們的意見，我亦希望跟你們多點交流，其實不用留在自己的地方自說自話…
我覺得幾好笑。（就當我對號入座啦）
咩係“留在自己的地方自說自話…”呢 hea？
你有 blog，我亦有 blog；寫文，梗係喺自己地方o架啦，d 文有晒相關 link（仲有埋pingback添)，清清楚楚，仲想點？
係咪吓吓要去番你度留言先算數先？
如果係咁，blog 嘅連結、引用 function，要嚟做乜？
不如大家都唔好寫 blog啦咁！
你哋唔好以為我誤會阿 admin 嘅說話呀！
同類說話，早排响 Hong Kong Bloggers Group 已經見過，
話人做乜要响新聞組討論佢哋，而唔去番佢哋嗰邊喎。
阿 blog-you admin 又話：
我搞Blog-You，本著互相交流的精神，容得下批評，甚至納得下抹黑，凡事愛講一個理字，只要你有道理，我便聞過則喜。
係囉！你都識講咯！
咁你就唔好再當 blog-you 係 newsgroup至得o架！
你都識搞聯播，不如去多啲人嘅 blog，睇吓人哋啲意見，甚至去吓人哋度留言，
仲有，唔好吓吓將啲意見，當成“閒言閒語”啦！
20060426補充
咩叫“容得下批評”呢？
繼“閒言閒語”之後：
1/ 你只要喺 blog-you 以外地方討論，就叫做：“有人在別的地方作單單打打的行為”
2/ 如果你“把自己的Blog在聯播和blogyou上除去”（退出 blog-you 聯播），而又寫文討論佢哋呢，blog-you admin 就會話你“再跳出來說長度短”，然後佢會“恐怕Blog-You早晚會被人越描越黑”，話你“將私怨遷怒於Blog-You之上”。
3/ 到你好合作咁，去番 blog-you 留言咩？佢又會話你“留言的人有些根本不會看我的辯解，，一進來就是無理的評擊和指控”，“誤解我的用意或者思考走錯了方向，乃至過份依賴個人直覺，一心以為我確是公器私用”
你話點算？
我只係想話，如果真係“容得下批評”嘅話，拜託，唔該唔好用咁多負面字眼啦！
大佬，你咁樣，同阿島主個聲明，用嘅“搞事”、“筆戰”、“侵權”、“誹謗”有咩分別？
如果咁樣，仲邊有人敢同你討論落去呀？
我夠有份俾島主刪留言啦！
嗰次去佢度留言，都係因為見到黑雪俾佢刪留言，再見到島主個聲明，於是先“以身犯險”，一探虛實之嘛！
果然中咗招喎，我都覺得佢唔啱嘛，咪响自己地盤，發表吓言論囉！
到 blog-you 又刪番島主個 feed喎，咁大件事，梗係要提吓，同大家一齊討論吓啦！
我寫“香港的留言文化？（二）”，都講咗 blog-you 咁做，“已有點像“替天行道”，有一個較公開的理由”啦！
係咪咁就叫“閒言閒語”先？
講就話“凡事愛講一個理字”，sidekick 寫出嚟嘅嘢，全部有根有據有埋 link o架！
點知呢，冇啦啦又俾人拉番“抄襲風波”出嚟，然後又話呢啲係“個人私怨”喎，
喂！唔好玩啦！
😎 老夫子的常用標題還有「顧此失彼」
以和為貴，大家咪一人少句囉，隔空過招，好易招來衛道之士…
都是與網誌文化息息相關的課題, 有些火花都不錯, 總勝於一潭死水
小踢, 冷靜D, 冷靜D, 唔使咁寸寸貢既.
拿, 我真係覺得 blog-you的兩位搞手, 真係功德無量嫁. 人地出雞仲出埋鼓油. 好比開P, 個場主唔止出個場仲出埋音樂出埋酒水, 出錢出力出時間. 我地坐享其成. 真係應該心存感激. 有時呢D野搞到麻鬼煩, 係因為語氣多過內容既. 好聲好氣D會容易聽得入耳D. (我知我知, 你而家想扼死我呢個X頭草丫麻)
代唔代表香港泊友, 呢D野係口碑, 唔係話自己話自己係唔係, 或者認唔既. 咁, 我諗大家都覺得hkbloggers都幾代表香港泊友嫁. 個九百幾人去hkbloggers到掛單 (無論聯唔聯播), 你估講笑呀, 人人多多少少 (其實唔少) 係有D認同感既. 所以呢, 對hkblogger係有D期許, 同埋多多少少將佢看成係呢九百幾人 “組成” 的香港泊友群體文化的表現/象徵. 所以講還講, 君子動口不動手, Admin把尚方寶劍真係要用得好慎重嫁, 幾乎唔到遇上掃場大捣蛋, 一面倒到非出殺手鐧不可都唔用嫁. 因為佢代表無上權力, 一用, 好多本來心照不宣的規矩/默契/期望/幻想/憧景/自由自在感/etc., 都會忽然覺得危危乎, 簡直就好似宣布動員勘亂時期咁, 所有人就有D陰影, 散散地咁嫁勒.
唔靚… 肉酸…. 醜怪囉…
刪一條feed… 駛唔駛又澄清又聲明長篇大論呢。
小踢唔好咁嬲，嬲得多會生皺紋架。 😮
人就係咁, 由佢啦, 邊個係host就邊個話~
近來熱刺球迷俱樂部亦有阿*奴的人來搞事, 我們的主持del還好~
不del, 更見那推人的無恥無知, 自暴其短~
所以呢, 面係人地俾, 架係自己丟呢句話真係冇錯~
cskiller, 關於一人少句，我想起我這段在mirror blog 寫的留言：
sf,
同意o架~ 淨係我自己, 對於佢o地o既付出, 都已經讚過好多次~ 🙂
但係, 除o左讚同感激之外, 當有事故發生時, 係咪都可以討論一下呢?
呢一篇, 我o既著眼點係放o向佢o地個“處事手法”, 同“諗o野方法”~
因為, 我覺得, 真係好有問題!
算罷啦！
我就決定回家玩 Jac Jac （or 被他 玩）。
不過我的確在這件事之後冇再 visit 島主的 blog 了。我唔鍾意D惡死既人。
我同意佢地係出錢出力，但係處理手法今次真係「唔靚」，令到佢地個站的公信力和中立性都有負面影響。
有朋友o向mirror blog o個邊問：
我寫o左呢堆回應：
我諗呢個問題，要問番blog-you 至知。 🙂
我覺得呢，blog-you 係“私人”地方（係咪機構呢，我唔知）；只不過係兩位年青人自己掏錢出來建立的網站。但係，佢o地又提供o左一d 公眾服務，例如 directory、聯播同blog hosting（仲要係免費唔收錢，雖然有接受捐款）。
而，當 blog-you 提供緊一d 公眾服務時，公眾（或會員）難免會對 blog-you有d 期許。
（即便 blog-you是“私人”)
就如我o地可能會對個人blog都有期許，當o個個blog同公眾有交流的時候。(係囉，咁呢一方面，個人blog係咪“私人地方”呢又？）
之所以，當我o地講緊島主有權刪留言，blog-you又有權刪feed時，o係一個“權”字之外，我o地會關心埋個“理”字，同埋，會討論埋有關人士o既“諗
緊方法”、“處事手法”同“態度問題”。
而唔理佢o地係私人又好，公眾又好；反正，我o地只不過係討論之嘛！
🙂
近日少响blog浦，不知道發生了此事。
如果blog-you.com係一個主人家開party，我地梗係要對按主子辦事。但我一直以為，blog-you是一個沒有立場，只旨在提供一個平台，讓眾多blogger聚合。但坦白說，久而久之，它變成了我所說的那些自以為是權威者。既然自己有份參與這個party，本來也認為自己沒權過問太多。但見了此事，則實在覺得不討不快。哈，我又借你地頭呻左幾句添！哈哈哈！
rururu, 真係好, 有人陪我呻~ :face:
在我而言, 經過上年年尾的風風雨雨, 我已不太敢寫關於香港blogosphere 的文, 尤其是關於blog-you的, 因為我怕煩.
這次, 本來也不關blog-you事, 變成這樣我也始料不及呢… ➡
我想, 我有時也會是“自以為是權威者”(我都有d 影響力卦?), 唯有常提醒自己要謹慎一點…
我覺得, blog-you 是可以有立場的, 但, 亦需要有好態度而已… :p