「我屋企貼橫財就手揮春,唔代表我賭馬啦!」
呢句說話,聽落,係咪都好似幾有道理呢?
但係,當你知道,當呢句回應,係關於最近警方大舉掃黃,有唔少內地女士被無理拘捕,而o係長沙灣警署入面o既告示板,就貼o左「唔理堅定流、好或醜,總之殺到一個都不留」呢類標語,同掃黃行動剪報o既事;而講呢句說話o既人,竟然係香港警務督察協會主席廖潔明時,你仲會唔會覺得:
「我屋企貼橫財就手揮春,唔代表我賭馬啦!」
呢句說話講得有道理?
我睇見就真係火都o黎埋!
今日o既蘋果日報港聞,有呢一段新聞:
「唔理堅定流,殺到一個都不留」
紫藤批警署掃黃標語
節錄及回應如下:
香港警務督察協會主席廖潔明回應說,首先未能確定相片真偽,即使真的貼上有關字句,也只是內部傳閱,作鼓勵同袍之用。
阿廖生你咁講,即係警方鼓勵同袍「唔理堅定流、好或醜,總之殺到一個都不留」啦!
廖潔明認為有關標語不會影響警員執法水準,「我屋企貼橫財就手揮春,唔代表我賭馬啦!」
我都好希望,你呢句咁冇水準o既比喻,亦都唔會影響警員o既執法水準囉!
他(廖潔明)強調若發現警察濫權,可正式作出投訴。警察公共關係科發言人說,警署內的壁報板主要用作內部溝通,向員工傳遞最新內部資訊。
嘩!咁警方即係承認「唔理堅定流、好或醜,總之殺到一個都不留」係向警員傳遞o既“最新內部資訊”囉?
咁,就算唔係一個“命令”,都算係一個“指引”喇o番?
香港旅遊發展局,麻煩你o地配合一下警方,提醒一下內地到港旅遊o既女士,千祈唔好踏足長沙灣區,如果唔係,就好易俾差人「唔理堅定流、好或醜,總之殺到一個都不留」啦!
唔通,長沙灣警署,想繼《域多利監獄》之後,成為第二個警方o既旅遊景點?
今日o既感想係,睇報紙唔可以睇得太有心機,否則就會有好多牢騷!
其實今日最想講o既係呢單o野!
一句「有殺錯、無放過」可以說明現在警方的辦事方法。
😉
kansir, 這我可完全不知曉, 如是, 那實在很可怕~
Ohhhh, I see “I have a dream” under the post @”@
這讓我想到曹操殺死呂伯全家的故事
有種「寧可錯殺一百,不可誤放一人」的感覺…
風痕影,
我在just another sidekick 那邊的留言說,其實我也願意相信他們的話只是鬧著玩,但我最火的,是廖生的回應,答得太蠢了!