我最鍾意intro 的那一段，Freeman 剪得好精彩、好妙！^o^
二月十二日：明報 A 28 社會版
《福佳3》竟成冠希新登場
警方處理藝人裸照事件嘅手法，觸怒咗一大班網友，曾經喺網上因一首《福佳始終有你》而名噪一時嘅林忌同網絡短片導演Freeman，最近創作《福佳》新版本《福佳3 We have money》MV 都借裸照事件過橋，趁機會踩下「一哥」鄧竟成同警隊，仲暗喻裸照事件主角陳冠希係新一代「福佳」，極盡挖苦之能事。
今次林忌同Freeman 將奧運歌曲《We are ready》改編為《福佳3 We have money》， 昨日仲上載到youtube 同網友分享。《福佳3》歌詞既引用警方記者會短片，諷刺一哥令市民「陷法網太易」，又諷刺英皇初期指裸照係「移花接木」合照，真係「信佢都黐線」。網友睇完之後反應都幾好。負責剪接嘅Freeman尋日告訴Emily，話因為今次MV 內容人物眾多，又有政客如曾鈺成、葉太、田北俊，又有一哥同眾藝人，加上裸照事件天天有新發展，佢用咗兩星期先完成製作，成為佢嘅新年節目。 Freeman 仲話，本來無計劃將裸照事件拉埋一齊，但想唔到警方言論如此不濟，所以就決定改歌詞諷刺一下。
Emily 揀咗一段有關裸照事件嘅歌詞同大家分享：「We have money！（殺一儆百）就靠有錢犯錯永冇事偽人可恥（移花接木）就怕冇錢陷法網太易強權大勢力淫賤亂砌影相作孽端（We have MONEY!）人造合照？信佢都黐線！」有興趣睇下MV 嘅朋友，可以到youtube （www.youtube.com/watch?v=8ndbD4C5SNk）望望，各位可放心，短片內容沒有裸照，即使係介紹畀朋友以外嘅人睇，都唔會有問題。
二月十二日：新報 A09 政情版《政情糖不甩》鍾環友
「福佳3」陳冠希當主角
去年慶祝香港回歸十周年主題曲「始終有你」，被網民改編為「福佳始終有你」，最新已經出到「福佳3」，片段網羅近月的新聞人物，疑似不雅照男主角的陳冠希（見圖）當了主角。上載youtube的「福佳3」，諷刺的話題怎少得慾照風波，陳冠希的相片出現三次，同時亦揶揄警方選擇性執法，歌詞謂「就靠有錢，犯錯永無事」，片段包括鄧竟成和黃福全。今次mv的片頭由兩太出席競選論壇帶起，少不了葉劉淑儀一句「搞對抗」的對白，還有模仿李克勤腔口唱出「愛上掃帚女孩」；另諷刺的是律政司司長黃仁龍鐳射槍事件，還有曾德成話陳四萬忽然民主。人大常委會否決2012雙普選，亦是另一議題，歌曲更與「We are ready」混合，以「普選始終有你」歌詞作結。
資料來源：
每日一膠 – 荒謬的香港：福佳, we have money 傳媒資料頁