4月8日,我媽、我姐、冠而及我到了龍山寺拜祭我的外公,近年來,這差不多是每年一度必做的事了。
今年也記得像上年一樣,在同一地方,擺同一的post 合照,用來新舊對照,看看冠而長大了多少,而我又老了多少。 :p
然後,在花園的一角,看到有一個青銅的盆子,姐問我是不是那種“捽捽吓有水花”的盆,我看到盆裡的水有點髒,像乏人打理般,於是就說應該不是吧,可是旁邊經過的嬸嬸卻說是,並即席示範了一下!嘩!真的有點點水花啊!
後來我自行幫盆子換了水,就一家人玩起來了,我還拍了片呢,看!
回家後,播片給我哥看,他說如沒記錯,這盆子好像叫“魚洗”。
後來我上網查了,我哥的記性真好呢!
關於魚洗
(圖片來源)
魚洗,亦稱龍洗。由銅鑄成的薄壁器皿似洗面盆,因盆底有四條龍或魚的浮雕而得名,是中國古代科技一大發明……
魚洗是一種銅鑄的薄壁臉盆,兩邊各有一只環型提手,稱為「洗耳」,底部一般刻有栩栩如生的四條魚兒。當用雙手手心分別在盆的兩個把手上來回摩擦時,盆中水面邊緣將有對稱的四處不斷往上噴射大量水滴,高達30cm以上,如噴泉並發出尖響,蔚為奇觀。
聽說古時候它是用作測試人們對寺廟神靈的誠心度……如果足夠誠心,魚洗便會發出蜂鳴聲,水會從魚兒的口噴上來。
其實魚洗會否噴水跟誠心與否並無關係,它是利用了物理學中常見的「共振」原理 (Resonance) ,每個人也可以讓它噴水。(資料來源及更多資料)
真是長知識了…
剛看到標題還想說奇怪
竟然有專門用來洗魚的東西 XD
(因為洗筆的東西叫 “筆洗”)
呢篇最好玩的地方是「sidekick自行幫盆子換了水,就一家人玩起來了..」 🙂
呢舊野我係順德都玩過, 玩之前要洗手, 之後要係咁磨係咁磨, 好搞笑.
又做乜條片後面要出roller既, 你淨upload無剪架喎, 不如下次直情打你個名呀/website呀係條片入面重好啦, 依家咁樣好奇怪囉.
我第一次玩係細個跟家人去肇慶,個導遊話擦出水花之後許願必成,於是我祈求會考成功,結果得左。
後來先知呢個盤原來好多地方都有,不過一值都唔知係叫”魚洗”。
風痕影,
我懷疑日本百貨公司真的會有專門洗魚的東東呢~
柏,
你真可愛, 謝謝你與別不同的觀察力~ ^__^
arthurson,
乜要剪過先出得roller o既咩?
唔…
我之所以有roller, 係因為用了movie maker, 所以順手整 (我知你明),
但點解用movie maker? 係真係有剪, 不過是剪前及剪後, 原本條片係長好多o既.
咁你明晒啦?
Kennes,
我之前o係內地見過, 但卻忘了當時身處何地…
所以我話我阿哥都好叻, 記得魚洗呢個名.
🙂
呢個盤係寶福山都有啊,我以前試過幾次都冇咩水花彈起,反而我表哥捽兩下,啲水花就彈到高過個人啊。 😡
sputnik,
要學攞到個共振力度囉… (睇我上面link o個篇文有講).
原來寶福山都有?
最好玩係寫文時, 去search “魚洗”, 大紀元網有篇文話個魚洗係中國文化結晶, 現代科學複製唔到個盆云云, 非常誇張的說.