我回來了!

回到家中,已是凌晨一時。
套用導演的話,這個旅程,大家都在適應時差中;剛到了一個地點,適應了當地時間,就要換下個地點,這樣的生活實在不太容易,令我很佩服機師及空中服務員呢!
關於時差問題,我算是適應得很好,每晚回到酒店就立刻去睡,而很多時第二天鬧鐘未響就自動醒來。
但是,我卻有暈機浪的問題,工作時還沒有太大感覺,但一坐下來,看近物件時(例如用餐),我就覺得整個人載浮載沉的,現在打字這刻也仍在暈。:arrow:

美國及日本的天氣大都很乾燥,我覺得整個人都乾掉了!
不過這些日子真的吃了很多(因為平日我大都不是吃三餐的),知道自己一定胖了不少;剛才上磅一磅,天!足足胖了四、五磅,我要努力減減磅了!:mad:

不過呢,過了十二天差不多沒有上網的日子,覺得跟大家都脫節了,真想找大家吃個飯、聚聚,讓你們告訴我各樣近況!:mrgreen:

Comments

comments

17 thoughts on “我回來了!

  1. sidekick on 25/3/2007 at 10:18 am said:

    係o番! 竟然完全沒想起有暈浪丸這東東, 好可能係搭得飛機少, 忘了暈浪丸除了舟車暈浪外, 對搭飛機都o岩用~

    我都係呢幾年先搭多D機。不過我呢D坐三個鐘船返大陸可以嘔足三個鐘既人呢,亞媽就實提我要帶暈浪丸。我依家返而最驚係坐呢邊好興既七人車,上親車都暈浪。最慘好多時都係人地順手車我返屋企,我唔會無端端有暈浪丸嚮身@.@。

    另外下次如果去美國既話,可以考慮去到去買當地版既潤膚沐浴露,潤好多架。我唔用會痕到瞓唔到。:cry:

  2. pig,
    如果短時間內再有搭飛機機會, 我應該會記得買暈浪丸~
    (不過去美國o既話就好可能會唔記得食, 因為佢會沒收d 水嘛, 上到機再食就會有d遲?)
    我o係美國用o左0蚊美金, 因為我完全冇機會shopping 使錢啦~
    不過真係好乾, d 頭髮乾到斷o左唔少, 就算搽晒lotion, 有晚都對腳乾到痕醒o左, R o左好耐, R到出血咁滯~
    同埋, 由於拍o左好多外景, 晒o左好多太陽, 今日照番屋企塊鏡, 先知塊面原來晒黑o左好多, 從未出過雀斑o既我好似真係有d 斑喇, 大鑊啊~ 😮

  3. kursk on 25/3/2007 at 10:56 pm said:

    歡迎回來呀!咁多日冇上網,生活有咩唔同?

    原來冇乜上網o既日子, 真係爭好遠好遠.
    加上每日都日出而作(雖然我只係行行企企), 但對平日少行少企o既我o黎講原來已經好化體力, 咁多晚以o黎, 我只係有一晚去o左寫稿, 一晚睇o左陣vcd, 其餘日子都是撻落床即睡~
    每日少了吸收的大量資訊, 生活變得好純粹, 加上身體的累, 睡前及平日生活會少了很多雜念~ 🙂

  4. 暈浪丸上機前半個鐘前食就得,你可以嚮臨入閘前食。坐國泰既話可以一上機追住個空姐話要水送藥。一般起飛時無咁快會暈浪既。
    Lotion 用香港買過去既就真係無乜用,最多保下濕,都係解決唔到痕同爆裂呢兩個問題。:sad:
    頭髮差左可能係水既問題,呢樣無得救。
    唉,我返香港都被人話我斑多左好多:sad:你剛剛先開始有就快D搵D美白用品急救下啦。:arrow:

Leave a Reply to sidekick Cancel reply

Your email address will not be published. Required fields are marked *